နာမဝိသေသန

ဤဝါကျ၌ 'လိမ္မာသော' က မောင်ရေခဲသည် မည်သို့သော ကျောင်းသား ဖြစ်ကြောင်းကို ပြသည်။

'လိမ္မာသော' ဟူသော ပုဒ်သည် ဂုဏ်အရည်အချင်းကို ပြခြင်းဖြင့် ကျောင်းသား ဟူသော နာမ်ကို အထူးပြုသည်။

ထို့ကြောင့် 'လိမ္မာသော' သည် ဂုဏ်ရည်ပြနာမဝိသေသန ဖြစ်သည်။

ဤဝါကျ၌ 'စကား' သည် နာမ်ဖြစ်သည်။ အဆိုပါ 'စကား'သည် အခြားတစ်ပါးသော စကားမဟုတ်။ ရှေးပညာရှိတို့စကားဖြစ်ကြောင်းကို 'ဤ' က ညွှန်ပြသည်။

ထို့သို့ ညွှန်ပြခြင်းဖြင့် 'ဤ' သည် 'စကား' ဟူသော နာမ်ကို အထူးပြုသည်။

ထို့ကြောင့် 'ဤ' သည် အညွှန်းနာမဝိသေသန ဖြစ်သည်။

ဤဝါကျ၌ 'အဆိုအမိန့်' သည် နာမ် ဖြစ်သည်။ သိရှိပြီးဖြစ်သော အဆိုအမိန့် များသာမက တစ်ပါးသော အဆိုအမိန့်များလည်း ရှိသေးကြောင်းကို အခြားက ညွှန်ပြသည်။

ထို့သို့ ညွှန်ပြခြင်းအားဖြင့် 'အခြား'သည် 'အဆိုအမိန့်' ဟူသော နာမ်ကို အထူးပြုသည်။

ထို့ကြောင့် 'အခြား'သည် အညွှန်းနာမဝိသေသန ဖြစ်သည်။

ဤဝါကျတွင် ရှိသော 'ကျောင်းသား' သည် နာမ် ဖြစ်သည်။

'မည်မျှ' ဟူသော ပုဒ်သည် စာမေးပွဲအောင်သော အရေအတွက်ကို မေးမြန်းသည့် သဘောဖြင့် ကျောင်းသား ဟူသော နာမ်ကို အထူးပြုသည်။

ထို့ကြောင့် 'မည်မျှ'သည် အမေးနာမဝိသေသန ဖြစ်သည်။

ဤဝါကျတွင် ရှိသော 'မုန့်'သည် နာမ် ဖြစ်သည်။

'မည်သည့်' ဟူသော ပုဒ်သည် ပိုကြိုက်သော မုန့်အမျိုးအမည်ကို မေးမြန်းသည့်သဘောဖြင့် မုန့် ဟူသော နာမ်ကို အထူးပြုသည်။

ထို့ကြောင့် 'မည်သည့်' သည် အမေးနာမဝိသေသန ဖြစ်သည်။

ဤဝါကျတွင် ရှိသော 'ကျောင်းသား' သည် နာမ်ဖြစ်သည်။

'မည်သို့သော' ဟူသော ပုဒ်သည် မောင်ရေခဲ မည်သို့သော သူဖြစ်ကြောင်းကို မေးမြန်းသည့် သဘောဖြင့် ကျောင်းသား ဟူသော နာမ်ကို အထူးပြုသည်။

ထို့ကြောင့် 'မည်သို့သော' သည် အမေးနာမဝိသေသန ဖြစ်သည်။

သာဓကအားဖြင့် 'ကောင်း၊ မြင့်၊ အေး' စသည်တို့သည် ခွဲစိတ်၍လည်းမရ၊ ပေါင်းစပ်ထားခြင်းလည်းမဟုတ်သော ပင်ကိုနာမဝိသေသနများ ဖြစ်ကြသည်။

'ခမ်းနား' ဟူသော နာမဝိသေသနသည်လည်း ခွဲစိတ်၍မရသော ပေါင်းစပ်ဖွဲ့စည်းထားခြင်းလည်း မဟုတ်သော ပင်ကိုနာမဝိသေသန ဖြစ်သည်။ ခမ်းနား ၏ဆိုလိုရင်း အနက်မှာ 'ကြီးကျယ်ထည်ဝါသော' ဟူ၍ဖြစ်သည်။ 'ခမ်းနား' ကိုခွဲလိုက်လျှင် 'ခမ်း' နှင့် 'နား' ဟူသော အစိတ်အပိုင်း နှစ်ခုကို ရမည်။ သို့ရာတွင် ခမ်းသည်လည်းကောင်း၊ နားသည်လည်းကောင်း ခမ်းနား ၏ ဆိုလိုရင်းအနက်ကို မပေးနိုင်ချေ။

ဤသို့ခွဲစိတ်ခြင်းဖြင့်ဆိုလိုရင်း အနက်အဓိပ္ပာယ်မှာ ပျက်သွားသည်။ ထို့ကြောင့် ခမ်းနားသည် ထပ်မံခွဲစိတ်မရသော ပင်ကိုနာမဝိသေသန ဖြစ်သည်။

ထိုနည်းအတူ 'လိမ္မာသော၊ ယဉ်ကျေးသော၊ ဝပြောသော' စသည်တို့သည် ခွဲစိတ်၍လည်းမရ၊ ပေါင်းစပ်ထားခြင်းလည်းမဟုတ်၊ နဂိုမူလအတိုင်းဖြစ်သော ပင်ကိုနာမဝိသေသနများ ဖြစ်ကြသည်။

ဤသာဓက၌ ပါဝင်သည့် 'ရဲရင့်သော' က စစ်သူကြီး၏ ရဲရင့်သည့် ဂုဏ်အရည်အသွေးကို သာမန်မျှ ဖော်ပြသည်။

ဤသာဓက၌ ပါဝင်သည့် 'ချွဲပျစ်သော' က အရည်၏ ချွဲပျစ်သည့် ဂုဏ်အရည်အသွေးကို သာမန်မျှ ဖော်ပြသည်။

ဤသာဓက၌ ပါဝင်သည့် 'လတ်ဆတ်သော' က အသီးအနှံ၏ လတ်ဆတ်သည့် ဂုဏ်အရည်အသွေးကို သာမန်မျှ ဖော်ပြသည်။

ဤသာဓက၌ ပါဝင်သည့် 'မွှေးသော' က ပန်း၏ မွှေးသည့် ဂုဏ်အရည်အသွေးကို သာမန်မျှ ဖော်ပြသည်။

ဤသာဓက၌ ပါဝင်သည့် စစ်သူကြီးသည် အခြား စစ်သူကြီးထက် ရဲရင့်သည့် ဂုဏ်အရည်အသွေး သာလွန်ကြောင်းကို 'သာ၍ရဲရင့်သော'ဟူသည့် နာမဝိသေသနက ပြသည်။

ဤသာဓက၌ ပါဝင်သော အရည်သည် အခြားအရည် တစ်မျိုးထက် ချွဲပျစ်သည့် ဂုဏ်အရည်အသွေး သာလွန်ကြောင်းကို 'သာ၍ချွဲပျစ်သော' ဟူသည့် နာမဝိသေသနက ပြသည်။

ဤသာဓက၌ ပါဝင်သည့် အသီးအနှံသည် အခြား အသီးအနှံတစ်မျိုးထက် လတ်ဆတ်သည့် ဂုဏ်အရည်အသွေးသာလွန်ကြောင်းကို 'သာ၍လတ်ဆတ်သော' ဟူသည့် နာမဝိသေသန က ပြသည်။

ဤသာဓက၌ ပါဝင်သော ပန်းသည် အခြားပန်းတစ်မျိုးထက် မွှေးသည့် ဂုဏ်အရည်အသွေးသာလွန်ကြောင်းကို 'သာ၍မွှေးသော' ဟူသည့် နာမဝိသေသနက ပြသည်။

ဤသာဓက၌ ပါဝင်သော စစ်သူကြီးသည် စစ်သူကြီး အားလုံးအနက် ရဲရင့်သည့် ဂုဏ်အရည်အသွေး၌ အသာလွန်ဆုံး ဖြစ်ကြောင်းကို 'အရဲရင့်ဆုံး' ဟူသည့် နာမဝိသေသနက ပြသည်။

ဤသာဓက၌ ပါဝင်သော အသီးအနှံသည် အသီးအနှံ အားလုံးအနက် ချွဲပျစ်သည့် ဂုဏ်အရည်အသွေး၌ အသာလွန်ဆုံး ဖြစ်ကြောင်းကို 'အချွဲပျစ်ဆုံး' ဟူသည့် နာမဝိသေသနက ပြသည်။

ဤသာဓက၌ ပါဝင်သော အသီးအနှံသည် အသီးအနှံ အားလုံးအနက် လတ်ဆတ်သည့် ဂုဏ်အရည်အသွေး၌ အသာလွန်ဆုံးဖြစ်ကြောင်းကို 'အလတ်ဆတ်ဆုံး' ဟူသည့် နာမဝိသေသနက ပြသည်။

ဤသာဓကတွင် ပါဝင်သည့် ပန်းသည် ပန်း အားလုံးအနက် မွှေးသည့် ဂုဏ်အရည်အသွေး၌ အသာလွန်ဆုံး ဖြစ်ကြောင်းကို 'အမွှေးဆုံး' ဟူသည့် နာမဝိသေသနက ပြသည်။