ကြိယာဝိသေသန
AdverbAn adverb modifies a verb, adjective, or another adverb by showing time, place, manner, degree, or frequency.
ကြိယာကို အထူးပြုသော ပုဒ်ကို 'ကြိယာဝိသေသန'ဟု ခေါ်သည်။
Study path
Read the rule first, scan the examples, then use the practice links after the lesson to build sentences with this grammar point.
အနက်အဓိပ္ပာယ်အရ ကြိယာဝိသေသန
အနက်အဓိပ္ပာယ်အရ ကြိယာဝိသေသန '၅'မျိုး ရှိသည်။
ဖွဲ့စည်းတည်ဆောက်ပုံအရ ကြိယာဝိသေသန
ဖွဲ့စည်းတည်ဆောက်ပုံအရ ကြိယာဝိသေသန '၃'မျိုး ရှိသည်။
အချိန်ပြကြိယာဝိသေသန
အချိန်ကာလကို ပြခြင်းဖြင့် ကြိယာကို အထူးပြုသော ပုဒ်ကို 'အချိန်ပြကြိယာဝိသေသန'ဟု ခေါ်သည်။
ဤဝါကျ၌ 'အဖေ'သည် မန္တလေးသို့ မည့်သည့်အချိန်တွင် 'သွားမည်'ကို 'နက်ဖြန်' ဟူသော ပုဒ်က ပြသည်။
'နက်ဖြန်' ဟူသော ပုဒ်သည် အဖေမန္တလေး သွားမည့် အချိန်ကို ဖော်ပြခြင်းဖြင့် 'သွား' ဟူသော ကြိယာကို အထူးပြုသည်။
ထို့ကြောင့် 'နက်ဖြန်' သည် အချိန်ပြကြိယာဝိသေသန ဖြစ်သည်။
အမူအရာပြကြိယာဝိသေသန
ဆောင်ရွက်ပုံအမူအရာကို ပြခြင်းဖြင့် ကြိယာကို အထူးပြုသော ပုဒ်ကို 'အမူအရာပြကြိယာဝိသေသန'ဟု ခေါ်သည်။
ဤဝါကျ၌ အဘိုးအို မည့်သို့ လမ်းလျှောက်လာသည်ကို 'ဒယိမ်းဒယိုင်' ဟူသော ပုဒ်က ပြသည်။
'ဒယိမ်းဒယိုင်' ဟူသော ပုဒ်သည် အဘိုးအို လမ်းလျှောက်ပုံအမူအရာကို ပြခြင်းဖြင့် လျှောက် ဟူသော ကြိယာကို အထူးပြုသည်။
ထို့ကြောင့် 'ဒယိမ်းဒယိုင်' သည် အမူအရာပြ ကြိယာဝိသေသန ဖြစ်သည်။
အခြေအနေပြကြိယာဝိသေသန
အခြေအနေကို ပြခြင်းဖြင့် ကြိယာကို အထူးပြုသော ကြိယာဝိသေသနကို 'အခြေအနေပြကြိယာဝိသေသန'ဟု ခေါ်သည်။
ဤဝါကျ၌ သစ်ပင်ကြီးသည် လမ်းမပေါ်၌ မည်သို့ လဲကျနေသည်ကို 'ကန့်လန့်' ဟူသော ပုဒ်က ပြသည်။
'ကန့်လန့်' ဟူသောပုဒ်သည် သစ် ပင်ကြီးလဲကျပုံ အခြေအနေကိုဖော်ပြခြင်းဖြင့် လဲကျ ဟူသော ကြိယာကို အထူးပြုသည်။
ထို့ကြောင့် 'ကန့်လန့်' သည် အခြေအနေပြ ကြိယာဝိသေသန ဖြစ်သည်။
ပမာဏပြကြိယာဝိသေသန
မည်ရွေ့၊ မည်မျှ ပမာဏကို ပြခြင်းဖြင့် ကြိယာကို အထူးပြုသော ကြိယာဝိသေသနကို 'ပမာဏပြကြိယာဝိသေသန'ဟု ခေါ်သည်။
ဤဝါကျ၌ အစားများလျှင် ဘေးဖြစ်တတ်သည်ကို 'များများ' ဟူသော ပုဒ်က ပြသည်။
'များများ' ဟူသော ပုဒ်သည် အစာကို မည်ရွေ့ မည်မျှ စားကြောင်းကို ဖော်ပြခြင်းဖြင့် 'စား' ဟူသော ကြိယာကို အထူးပြုသည်။
ထို့ကြောင့် 'များများ' သည် ပမာဏပြကြိယာဝိသေသန ဖြစ်သည်။
အမေးကြိယာဝိသေသန
မေးမြန်းခြင်းဖြင့် ကြိယာကို အထူးပြုသော ကြိယာဝိသေသနကို 'အမေးကြိယာဝိသေသန'ဟု ခေါ်သည်။
ဤဝါကျ၌ 'မည်သို့' ဟူသော ပုဒ်သည် 'အစာ' မည်သို့ စားသင့်ကြောင်းကို မေးမြန်းခြင်းခြင့် 'စား' ဟူသော ကြိယာကို အထူးပြုသည်။
ထို့ကြောင့် 'မည်သို့' သည် မေးမြန်းခြင်း သဘောသက်ရောက်သော အမေးကြိယာဝိသေသန ဖြစ်သည်။
နှစ်ကြိမ်ထပ်ကြိယာဝိသေသန
ကြိယာကိုဖြစ်စေ၊ နာမဝိသေသန ကိုဖြစ်စေ နှစ်ကြိမ်ထပ်ခြင်းဖြင့် ဖြစ်လာသည့် ကြိယာဝိသေသနကို 'နှစ်ကြိမ်ထပ်ကြိယာဝိသေသန'ဟု ခေါ်သည်။
ကျွန်တော်သည် မိုးမချုပ်မီ အိမ်သို့ 'မြန်မြန်' ပြန်သည်။
စာကြည့်တိုက်၌ စကားကို 'တိုးတိုး' ပြောရသည်။
သူသည် ဆန်တစ်အိတ်ကို 'ကောင်းကောင်း' ထမ်းနိုင်သည်။
သင်တို့သည် အိမ်နီးနားချင်းတို့နှင့် 'ခင်ခင်မင်မင်' နေရမည်။
ကိုယ့်ထက် အသက်ကြီးသူနှင့် 'လေးလေးစားစား' ဆက်ဆံရမည်။
သူနာပြုဆရာမက လူနာကို 'ယုယုယယ' ပြုစုသည်။
ရပ်ရွာလူကြီးများသည် ရပ်ရေးရွာရေး ကိစ္စများကို 'တိုင်တိုင်ပင်ပင်' ဆောင်ရွက်ကြသည်။
ငွေကို 'ဆင်ဆင်ခြင်ခြင်' သုံးစွဲရသည်။
တရားသူကြီးသည် အမှုကို 'နှိုင်းနှိုင်းချိန်ချိန်' ဆုံးဖြတ်သည်။
ကိုယ့်ကို ချစ်ခင်စေလိုလျှင် စကားကို 'ချိုချိုသာသာ' ပြောရသည်။
သီတင်းကျွတ်လတွင် အိမ်တိုင်း၌ ရောင်စုံမီးပုံးများကို 'လှလှပပ' ချိတ်ဆွဲကြသည်။
ကျောင်းသားများသည် စာသင်ခန်းထဲ၌ 'တိတ်တိတ်ဆိတ်ဆိတ်' စာဖြေနေကြသည်။
ပစ္စည်းဆက်ကြိယာဝိသေသန
ကြိယာကိုဖြစ်စေ၊ နာမဝိသေသန ကိုဖြစ်စေ၊ ပစ္စည်း ဆက်ခြင်းဖြင့် ဖြစ်လာသည့် ကြိယာဝိသေသနကို 'ပစ္စည်းဆက်ကြိယာဝိသေသန'ဟု ခေါ်သည်။
ကာရန်လိုက်ကြိယာဝိသေသန
ကြိယာ၊ သို့မဟုတ် နာမဝိသေသန၏ ရှေ့၌ဖြစ်စေ၊ နောက်၌ဖြစ်စေ ပုဒ်ရင်းနှင့် ကာရန်တူလိုက်ခြင်းဖြင့် ဖြစ်လာသည့် ကြိယာဝိသေသနကို 'ကာရန်လိုက်ကြိယာဝိသေသန'ဟု ခေါ်သည်။
ကျွန်တော်သည် စာကျက်ပြီးသည်နှင့် 'ဆာတာတာ' ဖြစ်လာသည်။
သူသည် စကားကို 'ကတ်တတ်တတ်' ပြောတတ်သည်။
ဤသင်္ဘောဆေး၏ အရောင်သည် 'နီတီတီ' ဖြစ်သည်။
အဘိုးအိုသည် 'ယိုင်တိုင်တိုင်' လျှောက်လာသည်။
သူသည် အဝတ်အစားကို 'ကိုးရိုးကားရား' ဝတ်လာသည်။
အိုးခွက်ပန်းကန်များကို 'ပိုးလိုးပက်လက်' မထားပါနှင့်။
လူကြီးများသည် 'မိုးတိုးမတ်တတ်' စကားပြောနေကြသည်။
လှည်းများကို လမ်းမပေါ်၌ 'ကိုးလိုးကန့်လန့်' ရပ်ထားသည်။
လေ့ကျင့်ရန်
ဤအကြောင်းအရာကို နားလည်ပြီးလျှင် စကားလုံးရှာခြင်း၊ ဝါကျတည်ဆောက်ခြင်း နှင့် speaking pattern များဖြင့် ဆက်လက်လေ့ကျင့်နိုင်သည်။